الاحظ شيء غبي دايم يحصل ..!
مادري هو غباء والا رضا الناس غاية لاتدرك ..
فجأه تكتشف انك انسان مسكيين !
واذا التفت يمينك تلاقي اللي جنبك مسكين واللي عن يسارك مسكين واخوانك وامك وابوك كلكم مسااكين ..!
بينما انت في مجلس كافن خيرك شرك ساكت فجأه تبدأ لقافة الحريييم ( اكره شيء في الحرمه القيل والقال وكثرة السؤال )
معليش حتى لو كنت من جنسهن لامانع من سبهن > هذي اللي تبي تودي نفسها في داهيه 
أثبت لك ذلك بسواليفهن
مثلاا
الأولى : فلانه ماعرست ..!
الثانية : لا والله
الأولى : لاا مسيكينه الله يرزقها ..
الأولى : وفلانه ماعرست ؟
الثانيه : الا قبل اسبوعين ..
الأولى : ماشااء الله الله يعينها على الغثا مسيكينه ..!
وفجأه
الأولى : مرت فلان موظفه ؟
الثانية : لا والله
الأولى : مسيكينه الله يرزقها
الأولى : وفلانه توظفت ؟
الثانية : ايه الحمد لله
الأولى : لااا مسيكينه الله يعينها !
الأولى : فلانه ماحملت ؟
الثانية : لا والله
الأولى : مسيكينه الله يرزقها
الاولى: وفلانه حامل ؟
الثانية : ايه في الخامس
الأولى :لااا ماشاء الله مسيكينه الله يهون عليها
الأولى : اقول فلانه ماجاها شغاله ؟
الثانيه : لا والله
الأولى : مسيكينه الله يعجل بها
الأولى : فلانه جت شغالتها ؟
الثانية : ايه ابشرك
الأولى : مسيكينه الله يعينها عليها
وتستمر السلسله ..
تكتشف ان كل العااالم مسااكييييين 
ورضى الحررررريم خصوصا رضى لا يدررك
فنصيحتي لاتعطينهم وجه 
مع انهم بيقولون فلاانه فيها شوفت نفس
واذا حكيتي بيقولون خفيفه ..!
وهلم جراا ....
تم بحمد الله بقلم المسكينه أملوكا
ليست هناك تعليقات:
إرسال تعليق
| لا تستح من إعطاء القليل ، فإن الحرمان أقل منه |